Bakı. Səba Ağayeva - Trend:
Azərbaycan və İraq təhlükəsizlik və terrorçuluqla mübarizə sahəsində yaxşı münasibətlərə malikdir.
Trend-in məlumatına görə, bunu İraqın Azərbaycandakı müvəqqəti işlər vəkili Fazil Avad əl-Şuveyli mətbuat konfransında deyib.
Diplomat qeyd edib ki, ölkələr bu sahədə münasibətləri daha da genişləndirmək niyyətindədirlər.
O bildirib ki, İraq Azərbaycan təhlükəsizlik qüvvələri tərəfindən terrorçuluqla mübarizədə göstərilən səyləri alqışlayır.