Bakı. Trend:
Avropa İttifaqı (Aİ) Azərbaycanla viza rejiminin liberallaşdırılması ilə bağlı dialoqun aparılmasını mümkün sayır.
Trend-in məlumatına görə, bu barədə Brüsseldə keçirilən Şərq Tərəfdaşlığı Sammitində qəbul edilmiş birgə bəyannamədə qeyd olunub.
Sənəddə deyilir ki, Aİ səmərəli idarə olunan və etibarlı mobillik üçün, eləcə də tərəflər arasında viza rejiminin sadələşdirilməsi və readmissiya haqqında sazişin səmərəli icrası üçün şərait yaradılacağı təqdirdə Azərbaycanla viza rejiminin liberallaşdırılması ilə bağlı dialoqa başlaya bilər.