...

Azərbaycanın işğal olunmuş ərazilərində vəziyyət BMT Baş Assambleyasında müzakirə oluna bilər

Siyasət Materials 5 İyul 2018 12:50 (UTC +04:00)
Azərbaycanın işğal olunmuş ərazilərində vəziyyət BMT Baş Assambleyasının 73-cü sessiyasının gündəliyinə daxil edilə bilər
Azərbaycanın işğal olunmuş ərazilərində vəziyyət BMT Baş Assambleyasında müzakirə oluna bilər

Bakı. Ləman Zeynalova – Trend:

Azərbaycanın işğal olunmuş ərazilərində vəziyyət BMT Baş Assambleyasının 73-cü sessiyasının gündəliyinə daxil edilə bilər.

Trend-in məlumatına görə, təşkilatın saytında qeyd olunur ki, 72-ci sessiyada müzakirə olunmayan bu məsələ bu sessiyanın gündəliyində qalır.

Qeyd edək ki, BMT Baş Assambleyasının 73-cü sessiyası 2018-ci il sentyabrın 18-dən 30-dək keçiriləcək.

Xatırladaq ki, 1988-ci ildə Ermənistan tərəfindən Azərbaycana qarşı ərazi iddiaları başladı.

Bir müddət sonra isə Ermənistan tərəfindən Azərbaycan ərazilərinə hərbi təcavüz başlandı. Dağlıq Qarabağ və ona sərhəd yeddi rayon – Azərbaycan ərazisinin 20 faizi – Ermənistan silahlı qüvvələri tərəfindən işğal olundu. Bu işğal faktoru hələ də davam edir.

1994-cü ilin mayında tərəflər atəşkəs rejiminə nail olublar. O dövrdən bu günə kimi ATƏT-in Minsk qrupunun himayəsində - Rusiya, Fransa və ABŞ-ın həmsədrliyi ilə uğursuz sülh danışıqları davam edir. İşğal olunmuş Dağlıq Qarabağ və ona sərhəd rayonların azad edilməsi barədə BMT Təhlükəsizlik Şurasının qəbul etdiyi dörd qətnamə isə Ermənistan tərəfindən bu günədək icra olunmayıb.

Xəbər lenti

Xəbər lenti