Bakı. Trend:
Ukrayna prezidenti Vladimir Zelenskinin ABŞ lideri Cozef Baydenlə görüşü avqustun 31-də olmayacaq.
Trend-in məlumatına görə, iki dövlət başçısının danışıqları məlum səbəblərdən təxirə salınıb.
Bildirilir ki, Zelenskiy və Bayden sentyabrın 1-də görüşəcək.
Görüşün təxirə salınmasını Ukrayna prezident aparatının rəhbərinin müşaviri Mixail Podolyak təsdiqləyib. Onun sözlərinə görə, bu, Əfqanıstandakı vəziyyətlə bağlıdır: "Prezidentlərin 31 avqustda deyil, 1 sentyabrda görüşmək barədə qərarı tamamilə protokoldur və digər şeylərlə yanaşı Əfqanıstandan təxliyə prosedurlarının son günü olması ilə izah olunur".