Bakı. Elçin Mehdiyev - Trend:
Çox sevindirici haldır ki, Qarabağ ərazisi döyüş meydanından böyük tikinti və yenidənqurma məkanına çevrilib.
Trend-in məlumatına görə, bunu Azərbaycana səfərə gələn Bosniya və Herseqovinanın xarici işlər naziri Bisera Turkoviç Azərbaycan xarici işlər naziri Ceyhun Bayramov ilə birgə mətbuat konfransında deyib.
O qeyd edib ki, Bosniya və Herseqovina Azərbaycanın ərazi bütövlüyünü və suverenliyini dəstəkləyir və ölkəsinin parlamenti bununla bağlı qətnamə qəbul edib: “Azərbaycan da Bosniya və Herseqovinanın ərazi bütövlüyünü və suverenliyini dəstəkləyir”, - deyə nazir bildirib.