Bakı. Trend:
“Hesablama Palatasının 2021-ci ildə fəaliyyəti haqqında” hesabat Milli Məclisin plenar iclasında müzakirə edilib.
Trend-in məlumatına görə, 2021-ci ildə Hesablama Palatasının audit və analitik fəaliyyəti hesabına 44 kənar dövlət maliyyə nəzarəti həyata keçirilib.
Sənədə əsasən, bunun 32 %-də nəzarət tədbiri ilk dəfə baş tutub. Nəzarət tədbirinin əhatə etdiyi orqanlardan 3-ü ali kateqoriya dövlət orqanı, 8-i mərkəzi cra hakimiyyəti orqanı və 1-i digər dövlət orqanı, 7-si publik hüquqi şəxs, 7-si dövlət mülkiyyətində olan və dövlətin səhmi (payı) olan müəssisə, 3-ü elm müəssisəsi, digərləri isə mərkəzi icra hakimiyyəti orqanının tabeliyində olan təşkilatlar və müxtəlif təşkilati-hüquqi formaya malik qurumlar olub.
Müzakirələrdən sonra hesabat səsverməyə qoyularaq təsdiq edilib.