Bakı. Trend:
İrəvanla Bakı arasında sülh müqaviləsinin hazırlanması üzrə iş indiki gərginliyə baxmayaraq, dayanmayıb.
Trend-in məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.
"Bu, başlıca prioritetdir. Rusiya tərəfi zəruri köməyi göstərir", - deyə o bildirib.
M.Zaxarova xatırladıb ki, ATƏT Minsk qrupunun rusiyalı həmsədri, Rusiya XİN rəhbərinin xüsusi nümayəndəsi İqor Xovayev sentyabrın 8-9-da Bakıda, sentyabrın 13-14-də İrəvanda səfərdə olub.
Onun sözlərinə görə, əsas müzakirə mövzusu sülh müqaviləsinin layihəsi olub.
(Tərcümə: Orxan Nəbiyev)