Bakı. Trend:
Hava limanlarının açılması sayəsində azad edilən torpaqların dünya ilə əlaqəsi quruldu.
Trend-in məlumatına görə, bunu bazar ertəsi Türkiyənin xarici işlər naziri Mövlud Çavuşoğlu Türkiyənin Akdeniz Universitetində çıxışı zamanı deyib.
O qeyd edib ki, Azərbaycan 30 ildir davam edən haqsız işğala son qoyub.
“Prezidentlərimizin imzaladığı Şuşa bəyannaməsi ilə Azərbaycanla əlaqələrimiz müttəfiqlik səviyyəsinə yüksəldi. İşğaldan azad edilən torpaqların bərpasının şahidi oluruq. Hava limanlarının açılması sayəsində bu torpaqların dünya ilə əlaqəsi quruldu", - deyə M.Çavuşoğlu əlavə edib.