Bakı. Trend:
Azərbaycan Prezidenti İlham Əliyev Avropaya enerji mənbələrinin şaxələndirilməsinə kömək edir.
Trend-in məlumatına görə, bunu bu gün Macarıstanın Baş naziri Viktor Orban "Twitter" hesabında qeyd edib.
"Türk dövlətləri Səmərqənddədir. Bizə müharibə və sanksiyalar əvəzinə sülh və əməkdaşlıq lazımdır. Türkiyə Prezidenti Rəcəb Tayyib Ərdoğan Rusiya ilə Ukrayna arasında uğurlu vasitəçilik edən yeganə liderdir. Azərbaycan Prezidenti İlham Əliyev Avropaya enerji mənbələrinin şaxələndirilməsinə kömək edir. Onlara təşəkkür borcumuz var!",- deyə V.Orban qeyd edib.
Xatırladaq ki, bu gün Səmərqənddə Türk Dövlətləri Təşkilatının IX Zirvə Görüşü keçirilir.
