Azərbaycan Demokrat Partiyası (ADP) sədrinin birinci müavini Sərdar Cəlaloğlunun üzərindən məhkumluğu götürülüb. Trend in məlumatına görə, iyulun 8-də Nəsimi rayon məhkəməsində hakim Tapdıq Mahmudovun sədrliyi ilə keçirilən iclasda S.Cəlaloğlunun iddiasına baxılıb. ADP funksionerinin üzərindən məhkumluğun götürülməsinə dair qərar çıxarılıb.
Qeyd edək ki, 2003-cü il prezident seçkisindən sonra baş verən hadisələrlə əlaqədar həbs olunmuş və 4 il 6 ay azadlıqdan məhrumetmə cəzasına məhkum edilmiş Sərdar Cəlaloğlu bu il mart ayında əfv fərmanı ilə azadlığa çıxıb. O, Nəsimi rayon məhkəməsin müraciət edərək üzərindən məhkumluğun götürülməsinə dair iddia qaldırmışdı.