Milli Demokrat (Boz Qurd) Partiyasının sədri İsgəndər Həmidovun üzərindən məhkumluğun götürülməsinə dair Apellyasiya Məhkəməsinə müraciət edilib. Bu barədə Trend ə İsgəndər Həmidovun vəkili Yavər Hüseyn məlumat verib. O bildirib ki, İsgəndər Həmidovun üzərindən məhkumluğun götürülməsinə nail olmaq üçün bütün məhkəmə instansiyalarını keçəcəklər.
Qeyd edək ki, iyulun 8-də Səbail rayon məhkəməsində hakim İlham Ağayevin sədrliyi ilə keçirilən məhkəmə iclasında İsgəndər Həmidovun üzərindən məhkumluğun götürülməsinə dair şikayətə baxılıb və iddia təmin olunmayıb. Məhkəmənin bu qərarı onunla izah edilib ki, İ.Həmidov əfv olunduqdan sonra onun üzərində 6 il cəza müddəti qalmışdı. Səbail rayon məhkəməsinin bu qərarından Apellyasiya Məhkəməsinə şikayət verilib.