Yaxın vaxtlarda Azərbaycanın xarici işlərn naziri Elmar Məmmədyarovun İrana səfər edəcəyi gözlənilmir. Bu barədə Trend ə Azərbaycan xarici işlər nazirinin müavini Xələf Xələfov bəzi KİV məlumatlarının şərh edərknə bildirib.
Onun sözlərinə görə, artıq Məmmədyarov İrana, İranın xarici işlər naziri isə Azərbaycana səfr edib. Lakin o, Azərbaycanın bəzi rəsmi şəxslərinin bir sıra birgə layihələri müzakirə etmək üçün İrana səfər etmələrinin mümkünlüyünü istisna etməyib.
Azərbaycan nümayəndə heyətinin İran prezidentinin inauqurasiya mərasimində iştirakı məsələsinə toxunan X.Xələfov bildirib ki, bu müxtəlif ölkələrin təcrübəsindən asılıdır. "Bəzi ölkələrdə inauqurasiya mərasiminə rəsmi nümayəndə heyətləri dəvaət olunmur. Əgər İranda rəsmi nümayəndə heyətlərinin dəvət edilməsi təcrübəsi mövcud deyilsə, onda biz də dəvət olunmayacağıq ", - deyə o bildirib.