(RİA "Novosti") - ABŞ Konqresinin Nümayəndələr Palatası çərşənbə günü keçirilən iclasda "Azərbaycan respublikasında azad və ədalətli seçkilərin" keçirilməsini tələb edən qətnamə qəbul edib. Palatanın katibliyindən verilən məlumata görə, sənədin lehinə 416, əleyhinə isə 1 konqressmen səs verib.
Qətnamə Elton Qalleqli başda olmaqla üç respublika konqresmen tərəfindən Konqresə təqdim olunub.
"Nümaynədələr Palatası Azərbaycan hökumətini qarşıdakı seçkilərdə həbsə məruz qalmış müxalifətçi siyasi partiyaların bəzi üzvləri də daxil olmaqla müxalifət partiyaların tam iştirakını təmin etməyə çağırır", - deyə qətnamədə bildirilir.
Sənəddə həmçinin, beynəlxalq ictimaiyyət və ABŞ-ın qeyri-hökumət təşkilatları noyabr ayında Azərbaycanda keçiriləcək parlament seçkilərində "kifayət qədər müşahidəçilərlə" təmin etməyə çağırıb.
Qətnamə "bütün tərəflərin seçkiqabağı kampaniya zamanı, seçki günü və seçkidən sonrakı dövrdə" zorakılıqdan uzaq olmalarının vacibliyini bəyan edərək, Azərbaycan hökumətini "söz və toplanmaq azadlığını təmin etməyə" çağırır.
