Avqustun 30-da Amerikanın İndiana ştatından olan respublikaçı -senator Riçard Luqarın (Richard G. Lugar) başçılıq etdiyi nümayəndə heyəti Bakıya gələcək. Bu barədə Trend agentliyinə ABŞ-nın Bakıdakı səfirliyində bildirilib.
Səfər çərçivəsində Azərbaycanda demokratik institutların təşəkkülü və inkişafı məsələləri müzakirə ediləcək, eləcə də Xəzər dənizinin Azərbaycan sektorunda müştərək layihələrin gerçəkləşdirilməsi üzrə fikir mübadiləsi aparılacaq.
Sentyabrın 2-dək Bakıda olacaq nümayəndə heyətinin tərkibinə həm də İllinois ştatında demokratik partiyadan olan Barak Obama (Barack Obama) daxildir.