(Praym-Nyus) - Avqustun 21-də Tiflisin Müdafiə akademiyasında Bakı-Tbilisi-Ceyhan neft kəmərinin mühafizəsi üzrə hərbi qulluqçuların hazırlanması məqsədilə gürcüstanlı, azərbaycanlı və türkiyəli zabitlərin "Eternet-2005" adlı təlimləri başlayıb.
Müdafiə Nazirliyindən verilən məlumata görə, təlimlərdə 52 hərbi qulluqçu iştirak edir. Zabitlər bir ay ərzində fövqəladə hallarda Bakı-Tbilisi-Ceyhan neft kəmərinin mühafizə əməliyyatlarına daxil edilməsini nəzərdə tutan proqram keçəcəklər.
2000-ci ildən bu günə kimi keçirilən "Eternet" təlimləri Gürcüstanda ilk dəfə aparılır.