"İkitərəfli, regional və qlobal iqtisadi əməkdaşlıq perspektivləri Azərbaycanla Trükiyənin xarici işlər nazirlikləri arasında iqtisadi məsləhətləşmələr zamanı müzakirə mövzusu olub". Azərbaycanın xarici işlər nazirliyinin mətbuat-mərkəzindən Trend ə verilən məlumata görə, məsləhətləşmələr Azərbaycanın XİN başçısının müavini Mahmud Məmmədquliyev və onun Türkiyəli həmkarı Ender Aratın rəhbərliyi ilə aparılıb.
Tərəflər iqtisadi əməkdaşlığa dair uzunmüddətli sazişin həyata keçirilməsi üzrə fəaliyyət planının bəndlərini müzakirə edib. Diqqət mərkəzində Qars-Tbilisi-Axalkalaki-Bakı, Bakı-Tbilisi-Ceyhan, Bakı-Tbilsi-Ərzurum dəmir yollarının inşası layihəsi olub. Həmçinin, hər iki ölkənin iş adamları arasında əməkdaşlığın inkişafı perspektivləri, İqtisadi Əməkdaşlıq Təşkilatı, Qara Dəniz İqtisadi Əməkdaşlıq təşkilatı çərçivəsində gələcək əməkdaşlıq məsələləri müzakirəyə çıxarılıb.
