...

Bakıda BakuTel-2005 sərgisi keçirilir

Siyasət Materials 26 Oktyabr 2005 14:32 (UTC +04:00)
Bakıda BakuTel-2005 sərgisi keçirilir

Bakıda Heydər Əliyev adına idman-sərgi kompleksində BakuTel-2005 11-ci beynəlxalq telekommunikasiya və informasiya texnologiyaları sərgisi öz işinə başlayıb. Sərginin açılışında rabitə və informasiya texnologiyaları naziri Əli Abbasov, Azərbaycan prezident administrasiyasının informasiya resursları və texnologiyaları şöbəsinin müdiri Elmir Vəlizadə, ABŞ-ın Azərbaycandakı səfiri Rino Harniş və başqaları iştirak ediblər.

A.Abbasov qeyd edib ki, informasiya texnologiyaları Azərbaycanda ikinci prioritet sahədir. Keçən il bu sektorda 38%, 2005-ci ilin 9 ayı ərzində isə 32% artım müşahidə olunub. Onun sözlərinə görə, belə tədbirlərin keçirilməsi nəticəsində ölkəyə əlavə investisiyalar cəlb edərək bu sahəni inkişaf etdirmək mümkün olacaq.

Bu il BakuTel-2005 sərgisində 20 ölkədən 100 şirkət iştirak edir. Cari ildə sərginin 40%-ni yeni şirkətlər təşkil edir.

Xəbər lenti

Xəbər lenti