Noyabrın 6-da 6 saylı cəzaçəkmə müəssisəsində səhər saat 8-dən başlayaraq 700 məhkumdan 300 nəfəri artıq səsvermədə iştirak edib. Bu barədə Trend ə müəssisənin rəisi Elman Şirəliyev məlumat verib.
Müəssisə rəisi hesab edir ki, bu gedişlə səsvermə nəzərdə tutulmuş müddətdən tez başa çata bilər. "Məhkumlar səsvermədə olduqca aktiv iştirak edirlər. Məntəqədə çoxsaylı müşahidəçilər var, heç bir neqativ hal qeydə alınmayıb, çalışırıq ki, dustaqların səsverməsi bu templə də davam etsin".