Noyabrın 7-də Bakı şəhər İcra Hakimiyyəti "Azadlıq" blokunun mitinqlərlə bağlı müraciətinə cavab məktubu göndərib. Bu barədə Trend ə "Azadlıq" blokundan məlumat verilib.
Bakı şəhər icra hakimiyyəti "Azadlıq" blokuna noyabrın 9-da saat 15.00-dan 18.00-dək metronun "20 yanvar" stansiyası yaxınlığından başlayaraq "Qələbə" kinoteatrınadək yürüş-mitinq keçirməsinə icazə verib. Noyabrın 8-də və 10-da mitinq keçirilməsinə isə icazə verilməyib.
Qeyd edək ki, "Azadllıq" bloku meriyaya müraciətində noyabrın 8-9-və 10-da "Qələbə" meydanında mitinq keçirmək istəyini bildirmişdi.