"Azadlıq" blokuna daxil olan partiyaların gənclər təşkilatlarının təşəbbüsü və birgə təşkilatçılığı ilə yanvarın 13-də Xətai adına Mədəniyyət Sarayında gənclərin Forumu keçiriləcək. Bu barədə Trend ə "Azadlıq" blokundan məlumat verilib. Tədbirlə əlaqədar Bakı Şəhər İcra Hakimiyyətinə müraciət edilmişdi.
Yanvarın 11-də Bakı Şəhər İcra Hakimiyyəti Forumun təşkilatçılara cavab məktubu göndərib və həmin gün saat 15.00-dan 17.00-dək tədbirin keçirilməsinə izacə verib.
Azərbaycan Xalqc Cəbhəsi, Azərbaycan Demokrat və Müsavat partiyalarının Gənclər Təşkilatları Forumda Azərbaycandakı ictimai-siyasi vəziyyəti, mövcud problemləri müzakirəyə çıxaracaqlar. Forumun keçirilməsində məqsəd ölkədə siyasi, iqtisadi, sosial sahələrdəki mövcud probemlərin həlli yollarını axtarmaq, gənclərin bu işdə rolunu, yerini müəyyən etməkdən ibarətdir.