"Milli Dirçəliş Hərəkatının (MDH) təşəbbüsü ilə milli azadlıq hərəkatında iştirak edən şəxslər arasında 6 bənddən ibarət memorandumun imzalanması prosesi aparılır". Bu barədə Trend ə MDH lideri Fərəc Quliyev bildirib.
F.Quliyev vurğulayıb ki, bəndlərdə Dağlıq Qarabağ probleminin həlli, Azərbaycanın ərazi bütövlüyü, diasporların fəaliyyəti və digər milli maraqlara xidmət edən amillər nəzərdə tutulub: "İndiyədək 100-ə qədər hərəkatçının imzaladığı sənədi sabiq hərəkatçıların manifesti də adlandırmaq olar".
MDH lideri onu da bildirib ki, sənədin imzalanma prosesi başa çatdıqdan sonra mətbuat konfransı keçirilərək, bu barədə ictimaiyyətə məlumat veriləcək.