Rusiya regionda qüvvələr balansını nəzərə almaqla Azərbaycan və Ermənistana silah satmağa hazırdır. Trend in verdiyi məlumata görə, bu barədə jurnalistlərə Azərbaycana rəsmi səfərə başlayan RF-nın baş nazirinin müavini, müdafiə naziri Sergey İvanov jurnalistlərə bəyan edib.
Nazir bildirib ki, o " Rusiyanın nə üçün guya Ermənistanı silahlandırması kimi suallara cavab verməyə artıq öyrəşib ". Silahların və hərbi sursatın bir hissəsinin Gürcüstandan Ermənistana keçirilməsindən danışarkən o bildirib ki, "onlar Rusiyanın bir bazasından digərinə köçürülüb ". "Onlar Rusiyanın mülkiyyəti olaraq qalırlar. Ona görə də Rusiyanın Ermənistanı silahlandırmasından danışmaq ən azı doğru deyil ", - deyə o bildirib.
"Silah satışına gəldikdə isə biz regionda qüvvələr balansını nəzərə almaqla və kommersiya əsasları ilə Ermənistan və Azərbaycana silah satmağa hazırıq", - deyə nazir qeyd edib.
Nazir bildirib ki, o, Azərbaycanda və Bakıya səfərindən dərhal yola düşəcəyi Ermənistandakı Rusiya hərbi hissələrinə baş çəkəcək. Azərbaycanda - "Daryal" RLS-na, Ermənistanda 102 saylı hərbi bazaya. "Hissələrin Gürcüstandakı Axalkalaki bazasından oraya aparılacaq son silah və texnikanın qəbuluna nə dərəcədə hazır olduqlarını yoxlamaq istəyirəm ", - deyə İvanov bildirib. Məlumatı PRAYM-TASS yayıb.