"İrəli" Ümumrespublika Gənclər Hərəkatı fevralın 2-də Gənclər günü ilə bağlı ölkədə fəaliyyət göstərən gənclər təşkilatlarının respublika səviyyəli dəyirmi masasını təşkil edəcək. Bu barədə Trend ə adıçəkilən hərəkatın təsisçisi Fərhad Məmmədov bildirib.
F.Məmmədov onu da bildirib ki, artıq bu istiqamətdə bir neçə gənclər təşkilatı və hərəkatları ilə danışıqlar aparılır: "Məqsədimiz gənclərin siyasi fəaliyyət istiqamətlərini müəyyənləşdirmək və gələcək siyasi planları barədə müzakirələr aparmaqdır".
"Ölkədə fəaliyyət göstərən qeyri-hökumət gənclər təşkilatlarının Koordinasiya Şurasını formalaşdırmaq istəyi gələcəkdə heç bir müsbət nəticə verməyəcək" - deyən F.Məmmədov bu prinsiplə gənclər təşkilatlarının fəaliyyətinin istiqamətləndirilməsinin mümkünsüz olduğunu bildirib.