Azərbaycanda bəzi KİV-in AŞPA-da parlament missiyası mandatının təsdiq edilməsi ilə bağlı ajiotajı həqiqətə uyğun deyil. Bu barədə Trend ə AŞPA-da Azərbaycan parlament nümayəndə heyətinin üzvü, Milli Məclisin deputatı Qənirə Paşayeva bildirib.
Onun sözlərinə görə, AŞPA-nın proseduralarına əsasən, hər il yanvar sessiyasında iştirakçı ölkələrin nümayəndə heyətlərinin mandatı təsdiq olunur. "Və təbii ki, ölkədə keçirilmiş parlament seçkilərindən sonra Azərbaycanın yeni parlament missiyasının mandatının təsdiqi məsələsi sessiyanın gündəliyinə daxil edilib. Bu adi məsələdir. Bunu ictimaiyyətə Azərbaycanın mandatı məsələsinin AŞPA-da gözlənilmədən müzakirəyə çıxarılması kimi təqdim etmək olmaz" -deyə Q.Paşayeva əlavə edib.
Eyni zamanda, o, xatırladıb ki, Azərbaycanın bəzi müxalifət partiyaları missiya mandatının təsdiq edilməməsi ilə bağlı AŞPA-ya müraciət edib. "Bəzi avropalı deputatlar da mandatın təsdiq olunması, lakin mayda 10 seçki dairəsində təkrar parlament seçkilərinin nəticələri açıqlananadək səvermə hüququndan məhrum edilməsi təklifi ilə çıxış edib. Amma belə təkliflərlə çıxış edənlər azlıq təşkil edirdi və buna qarşı ciddi cavab çıxışları oldu. Böyük Britaniyadan, Türkiyədən və digər ölkələrdən olan deputatlar Azərbaycan tərəfini dəstəklədi" -deyə MM-in deputatı qeyd edib. Onun sözlərinə görə, AŞPA Monitorinq komitəsinə çıxarılmış məsələ səs çoxluğu ilə Azərbaycanın xeyrinə dəstəklənib və assambleyada da səs çoxluğu ilə təsdiq olunub. Eyni zamanda may ayında parlamentə təkrar seçkilərdə daha demokratik və ədalətli seçkilərin keçirilməsi tövsiyə olunub. Q.Paşayeva vurğulayıb ki, Azərbaycan nümayəndə heyətinin üzvləri ölkə rəhbərliyinin demokratik və ədalətli seçkilər keçirməkdə qətiyyətli olduğunu bəyan edib.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
