Ötən il Naxçıvan Muxtar Respublikasının sərhəd bölgəsi olan Sədərək rayonunda vergilər idarəsi, maliyyə şöbəsi, qaz-istismar idarəsi üçün müasir üslubda inzibati binalar tikilərək istifadəyə verilib. Eləcə də makaron və xalçaçılıq sexləri yaradılıb, bir sıra mövcud obyektlərdə əsaslı təmir və yenidənqurma işləri görülüb. Rayon ərazisində geniş abadlıq-quruçuluq tədbirləri həyata keçirilib. Ümumiyyətlə, rayonda sosial-iqtisadi sahənin inkişafı üçün 4 mlrd. 309 mln. manat investisiya yönəldilib.
...