Milli Demokrtaik Qüvvələr Birliyi Sədrlər Şurasının martın 22-də keçirilən növbəti iclasında ölkədəki ictimai-siyasi vəziyyət müzakirə olunub. Trend xəbər verir ki, gündəliyə çıxarılan məsələlər barədə adıçəkilən qurumda təmsil olan Təkamül Partiyasının sədri Teyyub Qənioğlu fikir bildirib.
T.Qənioğlu deyib ki, martın 16-da Bakıda keçirilən Dünya Azərbaycaknlılarının II qurultayı çox önəmli hadisədir: "Düşünürəm ki, qurultayın keçirilməsi xarici ölkələrdə yaşayan azərbaycanlılarla Azərbaycan arasında həmrəyliyin möhkəmləndirilməsində, təşkilatlanmada vacib bir məsələdir". T.Qənioğlu sözügedən qurultayın beş ildən bir deyil, iki ildən bir keçirilməsi təklifini verib.