Martın 22-də "Milli Birlik" Hərəkatının və Azərbaycan Liberal Partiyasının lideri Lalə Şövkət USAİD-in (ABŞ-ın Beynəlxalq İnkişaf Agentliyi) siyasi proseslər üzrə baş müşaviri Aleksandr Sokolovski ilə görüşüb. Bu barədə Trend ə Milli Birlik Hərəkatından məlumat verilib.
Görüşdə Azərbaycanda mövcud ictimai-siyasi durum, Qarabağ probleminin nizamlanması, 6 noyabr parlament seçkiləri, Lalə Şövkətin deputat mandatından imtinası, müxalifətin strategiyası və gələcək planları barədə müzakirələr aparılıb.