Qanun çərçivəsində keçirilən kütləvi aksiyalar məqbul sayılır. Bu barədə Trend ə hakim Yeni Azərbaycan Partiyası (YAP) icra katibinin müavini, millət vəkili Mübariz Qurbanlı Müxalifətin Siyasi Əlaqələndirmə Mərkəzinin mayın 6-da keçirəcəyi mitinqə və Müsavat Partiyasının seçkilər öncəsi planlaşdırdığı kütləvi aksiyalara münasibət bildirərkən qeyd edib.
M.Qurbanlı bildirib ki, YAP qanun çərçivəsində aksiyalar keçirib və bundan sonra da keçirəcək: "Əgər hər hansı bir partiya, ictimai qurum qanun çərçivəsində kütləvi aksiya keçirmək istəyindədirsə, hakimiyyət buna normal yanaşacaq. Yox, əgər hansısa siyasi dairələr qeyri-qanuni yolla bu və ya digər aksiyaya cəhd göstərsələr, təbii ki, bunun qarşısı alınmalıdır".
YAP rəsmisi onu da vurğulayıb ki, seçki ilə bağlı keçiriləcək aksiyalar da qanunauyğun şəkildə razılaşdırılmalıdır.