Demarkasiya və Delimitasiya üzrə Azərbaycan-Gürcüstan Dövlət Komissiyasının növbəti iclası iyunda keçiriləcək. Bu barədə Trend ə Gürcüstanın Azərbaycandakı səfiri Zurab Qumberidze məlumat verib.
İclas çərçivəsində sərhədlərin razılaşdırlmamış sahələri, o cümlədən komissiyanın apreldə Tiflisdə keçirilmiş əvvəlki iclasında müzakirə mövzusu olmuş bir sıra detallar üzrə məsləhətləşmələr davam etdiriləcək.
Tərəflər, həmçinin, dövlət sərhədinin delimitasiyası ilə bağlı əlavə normativ-huquqi sənədləri, yerin quruluşu və torpaqdan istifadə qaydalırına dair materialları öyrənəcək.