Trend agentliyinin məlumatına əsasən, AŞPA-nın 18 nəfərlik müşahidəçi missiyası holand parlamentariyi Leo Platvoedin rəhbərliyi ilə 13 may təkrar parlament seçkiləri üzrə monitorinq aparmaq üçün Azərbaycana gələcək.
Missiya Azərbaycanda mayın 12-dən 15-dək qalacaq və 2005-cı il noyabr seçkilərinin nəticələrinin ləğv olunduğu 10 seçki dairəsində səsvermənin gedişini izləyəcək.
Xatırladaq ki, AŞPA missiyasının ilk tanışlıq xarakteri daşıyan səfəri 2006-cı ilin sonunda həyata keçirilib və bu səfərin yekunları üzrə aprelin 28-də keçirilən mətbuat konfransında bəyan edilib ki, Avropa Şurası seçki təcrübəsinin təkmilləşdirilməsi istiqamətində Azərbaycanla əməkdaşlığı davam etdirmək niyyətindədir.