Azərbaycan, Gürcüstan və Türkiyə qadınlarının sülhmərmlı aksiyası ölkələrimizin xalqları arasında dostluğu və əməkdaşlığı genişləndirməyə imkan verir. Trend in verdiyi məlumata görə, bu barədə Azərbaycan prezidenti İlham Əliyevin "H.Əliyev adına BTC neft kəməri regionda sülühün, təhlükəsizliyin, sabitliyin və inkişafın təminatıdır" beynəlxalq sülhməramlı aksiyasının iştirakçılarına müraciətində bildirilir.
Məktubda bildirilir ki, əsrin enerji layihəsinin reallaşdırılması üzrə işlər - Bakı-Tbilisi-Ceyhan boru kəmərinin tikintisi və neftlə doldurulması sona yaxınlaşmaqdadır. Qeyd olunur ki, bu layihənin həyata keçirilməsi hələ ötən əsrin 90-cı illərinin ortalarında neft kəmərinin tikintisi ideyasını irəli sürən eks-prezident H.Əliyevin müdrik və uzaqgörən siyasəti nəticəsində mümkün olub.
"Regionda sabitlik və inkişaf, onun Avroatlantik strukturlarına inteqrasiyası baxımından bu neft kəməri böyük əhəmiyyətə malikdir. Əminəm ki, Bakı-Tbilisi-Ceyhan kəməri iqtisadi inkişafa və bizim ölkələrimizin irəliləyişinə xidmət edir və onun sayəsində bizim region dünyada sülhün çiçəklənəcəyi bir nöqtəyə çevriləcək", -deyə Azərbaycan prezidentinin məktubunda bildirilir.