Beynəlxalq Valyuta Fondunun (BVF) Bakı nümayəndəliyinin rəhbəri Bazel Zavoyko Trend ə verdiyi eksklüziv müsahibəsində bildirib ki, Azərbaycan hökuməti istehlak qiymətləri indeksinin (İQİ) ümumi hesablanma metodologiyasının qiymətləndirilməsi üçün BVF-dən texniki yardım istəyib.
Onun sözlərinə görə, BVF missiyası bəzi məsələlərə baxıb, lakin bütün metodologiyanın qiymətləndirilməsi üçün geniş tərkibdə missiyanın gəlişi gözlənilir. BVF ekspertləri 6 ay ərzində səfər etməyi planlaşdırır.
Səfərin dəqiq tarixi hələ müəyyənləşdirilməyib, çünki fondun maliyyə ili ötən həftə başlayıb və büdcə hələ dəqiqləşdirilməyib. "Fond BVF ölkələrinə yardımın həcmini hələ müəyyənləşdirməyib" - deyə B.Zavoyko qeyd edib.