Azərbaycan prezidenti İlham Əliyev mayın 18-də mülki aviasiya işçilərinin peşə bayramının təsis edilməsi haqqında sərəncam imzalayıb. Bu barədə Trend məlumat verib.
Sənəddə bildirilir ki, mülki aviasiya əməkdaşlarının Azərbaycan iqtisadiyyatında mühüm rolunu nəzərə alaraq iyunun 2-si mülki aviasiya işçilərinin peşə bayramı elan edilməsi qərara alınır.
Qeyd edək ki, 2 iyun 1938-ci ildə Azərbaycanda ilk aviasiya qrupu yaradılıb.