Azərbaycan prezidenti İlham Əliyevin mayın 23-də Kiyevdə keçiriləcək GUAM sammitində iştirakı çərçivəsində ikitərəfli görüşlər proqramı hazırlanır. Bu barədə Trend ə Azərbaycanın Ukraynadakı səfirliyinin müşaviri Səbuhi Temirov məlumat verib.
Onun sözlərinə görə, Ukrayna, Gürcüstan və Moldova prezidentləri Azərbaycan dövlət başçısı ilə görüşmək arzusu ifadə edib. Sammit çərçivəsində dövlət başçısının, həmçinin, GUAM ilə əməkdaşlıqda maraqlı olan ölkələrin toplantıya dəvət olunmuş nümayəndə heyətlərinin rəhbərləri ilə də görüşləri gözlənilir. Bunlar Polşa, Litva, Bolqarıstan və Rumıniya prezidentləridir.