2006-cı ilin 4 ayı ərzində Azərbaycan ərazisində narkotiklərlə bağlı 907 cinayət faktı qeydə alınıb. Bu barədə Trend ə Narkomanlığa və Narkotik Iasitələrin Qanunsuz Dövriyyəsinə Qarşı Mübarizə üzrə Dövlət Komissiyasından məlumat verilib.
Həmin faktlardan 306-sı satışla bağlıdır.
Qeyd olunan dövrdə ayrı-ayrı şəxslərdən 67 kiloqram 654 qram narkotik vasitə, prekursorlar, o cümlədən 4 kiloqram 683 qram heroin, 5 kiloqram 200 qram tiryək, 24 kiloqram 876 qram həşiş, 32 kiloqram 899 qram marixuana, 253 qram sirkə anhidridi götürülüb.
Hüquq-mühafizə orqanlarının narkotik vasitələrin qanunsuz dövriyyəsinə qarşı mübarizəsi, daxilolma mənbələrinin aşkar edilməsi sahəsində fəaliyyəti müsbət nəticə verib.