Azərbaycan və Gürcüstan prezidentləri İlham Əliyev və Mixail Saakaşvili mayın 22-də Kiyevdə görüşüblər. Trend agentliyinin məlumatına əsasən, görüş "Natsionalnaya" otelində keçirilib.
Görüşdə ikitərəfli əlaqələrin və GUAM da daxil olmaqla, beynəlxalq təşkiltlar çərçivəsində əməkdaşlığın inkişaf etdirilməsi müzakirə olunub.
Mayın 22-də Ukrayna prezidenti Viktor Yuşenkonun adından GUAM-ın zirvə görüşünə gəlmiş dövlət rəhbərlərinin şərəfinə dostluq şam yeməyi verilib. İ.Əliyev şam yeməyində iştirak edib.