İyunun əvvəllərində ABŞ dövlət katibinin köməkçisi Metyu Brayzanın rəhbərlik etdiyi Amerika nümayəndə heyəti Bakıya gələcək. Bu barədə iyunun 2-də Trend ə ABŞ-ın Azərbaycandakı səfirliyinin mətbuat xidmətinin rəhbəri Conatan Henik məlumat verib.
Onun sözlərinə görə, Bakıya səfərdə əsas məqsəd "Xəzər neft-qaz, neft emalı və neft-kimya - 2006" 13-cü beynəlxalq sərgi-konfransda iştirak etməkdir.
Qeyd edək ki, sonuncu dəfə Metyu Brayza Bakıya aprelin əvvəllərində səfər edib.