İyul ayında Kosovo, İraq və Əfqanıstanda olan azərbaycanlı sülhməramlıların bir qrupu Azərbaycana qayıdacaq. Bu barədə Trend ə Azərbaycan Respublikası Müdafiə Nazirliyinin mətbuat xidmətinin rəis əvəzi İlqar Verdiyev məlumat verib.
"Sülhməramlılarımızdan ibarət bir neçə yeni qrup isə həmin ölkələrə ezam olunacaq" - deyə İ.Verdiyev söyləyib.
Azərbaycanlı sülhməramlılardan ibarət qruplarının həmin ölkələrə sonuncu dəfə ezam olunması 2006-cı ilin yanvar ayında baş tutub. Həmin vaxt Kosovo, İraq və Əfqanıstana 104 sülhməramlıdan ibarət 3 qrup göndərilib. Sülhməramlılardan 90 nəfəri İraqa, 9 nəfəri Kosovaya, 5 nəfəri isə Əfqanıstana ezam olunub.