Azərbaycan Dövlət Neft Şirkəti "Qarabağ" yatağında və digər perspektivli sahələrdə işlər həyata keçirməyə hazırlaşılır. Trend in xəbər verdiyi kimi, bu barədə iyunun 7-də Bakıda keçirilmiş "Xəzər hövzəsində neft-qaz əməliyyatlarının sabit inkişafı" konfransında ARDNŞ prezidenti Rövnəq Abdullayev bəyan edib.
Onun sözlərinə görə, ARDNŞ gələcəkdə bu istiqamətdə işləri davam etdirmək niyyətindədir. "2010-cu ildə Azərbaycanda təxminən 65 mln. ton neft hasil ediləcək", - deyə o bildirib. Hazırda ARDNŞ şirkətin strukturunun dəyişdirilməsi, kəşfiyyat, geofiziki, geotexniki və digər işlərin genişləndirilməsini davam etdirir. Kadrların hazırlanması istiqamətində fəal işlər gedir.
O qeyd edib ki, 2007-ci ildə şirkətin beynəlxalq auditi keçiriləcək. Bundan başqa ARDNŞ 2008-ci ildə mühasibat uçotunun beynəlxalq standartlarına keçəcək şirkətlər siyahısına daxildir.