Trend agentliyinin məlumatına əsasən, Azərbaycan prezidenti İlham Əliyev iyunun 7-də İngiltərə-Azərbaycan cəmiyyətinin rəhbəri lord Freyzeri qəbul edib.
Görüşdə Azərbaycanla Böyük Britaniya arasında əlaqələrin uğurla inkişaf etdiyi, iki ölkənin ayrı-ayrı qurumları arasında ikitərəfli əməkdaşlığın genişləndirildiyi bildirilib. İngiltərə-Azərbaycan cəmiyyətinin ikitərəfli əlaqələrin inkişafı işinə xüsusi tövhə verdiyi də qeyd olunub.