Müsavat Partiyası iyunun 10-na "Qələbə" meydanında planlaşdırdığı mitinq-yürüşünü təxirə salıb. Bu barədə Trend ə Müsavat Partiyasının mətbuat xidmətindən bildiriblər.
Qeyd edək ki, adıçəkilən partiya Güney Azərbaycanda yaşayan soydaşlarımızın hüquqlarının müdafiəsi ilə bağlı iyunun 10-u saat 17.00-dan 19.00-dək "Qələbə" meydanında mitinq-yüruş keçirməyi planlaşdırmışdı. Bununla bağlı mayın 31-də Bakı şəhər İcra Hakimiyyətinə müraciət etmişdi. Bakı meriyası iyunun 8-də Müsavat Partiyasının mitinq-yürüşünə icazə vermədikdən sonra partiyanın başqanı İsa Qəmbər meriyanın cavabını müzakirə etmək məqsədilə iyunun 9-da müavinləri ilə müşairə keçirib.
Mətbuat xidmətindən bildiriblər ki, müşavirədə iyunun 10-a planlaşdırılan mitinq-yürüşün təxirə salınması qərara alınıb. Qeyd olunub ki, ancaq mitinq keçirməklə bağlı məsələ gündəmdədir. Gələn həftə isə İranda baş verən məlum hadisələrə münasibət olaraq Müsavat Partiyası dəyirmi masa keçirəcək.