İyunun 23-də Nazirlər Kabinetinin (NK) Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası narkotiklərlə mübarizə günü münasibətilə tədbir keçirəcək. Bu barədə Trend ə NK-nin mətbuat xidmətinin rəhbəri Akif Əli məlumat verib.
A.Əlinin sözlərinə görə, qanunsuz dövriyyədən çıxarılmış külli miqdarda narkotik vasitə yandırılaraq məhv ediləcək.
DİN mətbuat xidmətindən verilən məlumata görə isə, tədbir Neft Avadanlıqları Maşınqayırma Zavodunda həyata keçiriləcək. Məhv ediləcək müxtəlif növlü narkotik vasitələrin çəkisi ilə 100 kq-dan artıqdır.