Bu gün RF baş naziri Mixail Fradkovun rəsmi səfəri çərçivəsində Bakıda Azərbaycan və Rusiya hökümətləri arasında dörd sənəd imzalanıb.
Azərbaycanın Nazirlər Kabinetindən Trend ə verilən məlumata görə, imzalanmış sənədlərə Pul köçürmələri sahəsində əməkdaşlıq haqqında Hökümətlərarası Saziş, ikitərəfli hərbi-texniki əməkdaşlıq zamanı istifadə və əldə olunan intellektual fəaliyyətin nəticələri üzrə qarşılıqlı hüquq müdafiəsi haqqında Saziş, həmçinin 2007-09-cu illər üçün nəzərdə tutulmuş Humanitar sahədə əməkdaşlıq Proqramı daxildir.
Dördüncü sənəd - Azərdaycan Milli Bankı və Rusiya Mərkəzi Bankı arasında Kredit təşkilatlarının fəaliyyətinə bank nəzarəti sahəsində əməkdaşlıq haqqında Sazişdir.
Hazırda AR və RF arasında müqavilə-hüquqi baza 100-dən çox sənəddən ibarətdir. Onların 70-dən çoxu dövlətlərarası və hökümətlərarası sazişlər və 30-dan çoxu Rusiya və Azərbaycan subyektləri arasında imzalanmış sazişlərdir.