Bərdə rayon İcra hakimiyyəti tərəfindən qarşıdan gələn Dünya Azərbaycanlılarının Həmrəylik Günü, Qurban Bayramı və Yeni il münasibəti ilə Qarabağ əlilləri, şəhid ailələri, Böyük Vətən Müharibəsi iştirakçıları, Əfqanistan veteranları və Çernobıl əlillərinə qurbanlıq ət verilib. Bərdə rayon İcra Hakimiyyəti ümumi şöbəsinin müdiri İsa Hacıyevin Trendə verdiyi məlumata görə, bayram sovqatının 600 nəfərə verilməsi nəzərdə tutulur. Bu tədbirlər isə rayonun kəndlərində yerləşən icra nümayəndələri və bələdiyyələr tərəfindən həyata keçirilir.