Avropa Şurası Nazirlər Komitəsi AQO qrupunun nümayəndələri Azərbaycana səfər edəcəklər. Bu barədə eksklüziv olaraq Trend ə Avropa Şurası baş katibinin Azərbaycandakı xüsusi nümayəndəsi Denis Bribosia bildirib.
O qeyd edib ki, qrup nümayəndələri Azərbaycanın öhdəliklərinin aprel ayında AŞ PA-nın yaz sessiyasında müzakirəsindən sonra Bakıya gələcəklər. D.Bribosia əlavə edib ki, AŞ PA ilə paralel olaraq AŞ Nazirlər Komitəsi də Azərbaycan üzrə monitorinq keçirir.
Xüsusi nümayəndə bildirib ki, qrupun Azərbaycana səfərinin yekunları əsasında hesabat hazırlanacaq.