Ölkə seçicilərinin sayının dəqiqləşdirilməsi prosesi hazırda dairə seçki komissiyaları (DSK) tərəfindən aparılır. Bu barədə Trend ə Mərkəzi Seçki Komissiyasından (MSK) məlumat verilib.
Seçici siyahılarının dəqiqləşdirilməsi işi məntəqə seçki komissiyaları tərəfindən başa çatdırılıb və siyahılar DSK-lara təhvil verilib. DSK-lar da öz hüdudları çərçivəsində siyahılarda yoxlamalar aparmalı və martın 5-dək bu işi başa çatdırmalıdır. DSK-lar siyahını MSK-ya təhvil verdikdən sonra yuxarı komissiya "Seçkilər" İnformasiya Mərkəzi ilə birgə səsvermə hüququ olan vətəndaşların siyahısını yenidən yoxlayacaq. Mayın sonuna qədər ölkə üzrə seçicilərin siyahısı tam dəqiqləşməli və elan olunmalıdır.