"Bizim Azərbaycan" bloku müxalifətin yeni güc mərkəzinin yaradılması ilə bağlı tədbirlər planı qəbul edib. Bu barədə Trend ə "Bizim Azərbaycan" blokundan məlumat verilib.
Blok həmçinin yaxın günlərdə "Azərbaycanın siyasi reallıqları və mövcud durumdan çıxış yolları" və "Müstəqil həmkarlar ittifaqlarının yaradılması zərurəti" mövzularında dəyirmi masalar keçirməyə qərar verib. Blok Xocalı soyqırımının 15-ci ildönümü ilə bağlı Azərbaycan və Türkiyə başda olmaqla bütün türkdilli dövlətlərin parlamentlərinə müraciət qəbul edib. Müraciətdə bü dövlətlər Xocalı soyqırımına hüquqi-siyasi qiymət verməyə və soyqırımı rəsmən tanımağa çağrılır.