Azərbaycan, Bərdə / Trend müxbir Ş.Cəliloğlu/ Ermənistan Silahlı Qüvvələrinin Ağdam rayonunun işğal altında olan Bayramlı kəndinə məxsus ərazidə köhnə uçuq evləri, mal-qara saxlanılan tövlələri, ağacları və otlaq sahələrini yandırdığını deyən cəbhəyanı kənd sakinləri onu da qeyd ediblər ki, artıq ərazilərimizdə yanğınlar 3 gündür ki baş verib. Sakinlər yanğınların əsasən axşam saatlarında şiddətləndiyini deyir. Kənd sakinləri onu da bildirib ki, yanğınlar Bayramlı kəndindən işğal altında olan Baş Qərvənd kəndinə doğru hərəkət edir.
...