Azərbaycan, Bakı / Trend müxbir İ.Əlizadə/ Fransanın Strasburq şəhərində Avropa Şurası Parlament Assambleyasının (AŞPA) Mədəniyyət, Elm və Təhsil Komitəsinin iclası keçiriləcək. Bu barədə Milli Məclisin mətbuat xidmətindən məlumat verilib.
Azərbaycanın AŞPA-dakı nümayəndə heyətinin üzvü Rafael Hüseynov iclasda iştirak etmək üçün fevralın 25-dən martın 1-dək Strasburqda səfərdə olacaq.
İclasda Avropada insan hüquqları və demokratiya, dinlərarası və mədəniyyətlərarası dialoq məsələləri müzakirə olunacaq. R.Hüseynov toplantıda çıxış edəcək, müzakirə olunan məsələlərə münasibət bildirəcək.