Azərbaycan, Bakı / Trend müxbir S.İlhamqızı/ Xocalı soyqırımının 15-ci ildönümü Rusiyanın paytaxtı Moskva şəhərində də qeyd olunacaq. Bu barədə Ümumrusiya Azərbaycanlıları Konqresinin (ÜAK) Moskva şəhər təşkilatının rəhbəri İlqar Hacıyev məlumat verib. O bildirib ki, fevralın 25-də keçiriləcək tədbirdə Azərbaycanın Rusiyadakı səfirliyinin, ÜAK-ın rəsmi nümayəndələri, Moskvada yaşayan, təhsil alan fəal gənclər, ziyalılar və başqa qonaqlar iştirak edəcəklər. İ.Hacıyevin sözlərinə görə, Moskvada yaşayan fəal azərbaycanlı gənclər, o cümlədən Leyla Əliyeva da mərasimin təşkilatçılarındandır.